कर्णालीमाथि काठमान्डुको सानदार जित

काठमाडौं। काठमान्डु गोर्खाजले नेपाल प्रिमियर लिग (एनपीएल)मा लगातार दोस्रो जित निकाल्दै प्लेअफ सम्भावना कायम राखेको छ।

आइतबार काठमान्डुले कर्णाली याक्सलाई ५ विकेटले पराजित गरेको हो। जितसँगै काठमान्डु ५ खेलबाट ६ अंक जोड्दै तालिकाको तेस्रो स्थानमा उक्लिएको छ।

कर्णालीको भने यो चौथो हार हो। १५० रनको लक्ष्य पछ्याएको काठमान्डुले १८ ओभरमा ५ विकेट गुमाएर १५५ रन बनायो।

काठमान्डुका गेरहार्ड इरास्मसले अविजित ४३ रन बनाए। जोन सिम्पसनले ४१, वेन चाल्सवर्थले ३४ रनको योगदान गरे। कर्णालीका नन्दन यादवले ३ र पवन सराफले १ विकेट लिए।

त्यसअघि त्रिवि अन्तर्राष्ट्रिय क्रिकेट रंगशाला टस जितेर पहिला ब्याटिङ गरेको कर्णालीले निर्धारित २० ओभरमा ७ विकेटको क्षतिमा १४९ रन बनाएको थियो।

कर्णालीका गुल्सन झाले सर्वाधिक ४९ रन बनाए। पवन सराफले ३५ र मार्क वाटले ३० रन जोडे।

काठमान्डुक राशिद खान सर्वाधिक दुई विकेट लिए।