३ खेल, ३ अर्धशतक

काठमाडौं। चितवन राइनोजका रवी बोपारा नेपाल प्रिमियर लिग (एनपीएल)मा लगातार तेस्रो अर्धशतक प्रहार गर्ने पहिलो खेलाडी बनेका छन्।

कीर्तिपुरस्थित त्रिवि क्रिकेट मैदानमा उनले विराटनगर किङ्सविरुद्ध अर्धशतक प्रहार गर्दै यो उपलब्धि हासिल गरेका हुन्। टस हारेर पहिला ब्याटिङ थालेको चितवनले ५ विकेट गुमाउँदै १७५ रनको लक्ष्य दिएको छ।

रवीले सर्वाधिक ६५ रन बनाए। ३८ बल खेलेका उनले ३ चौका र ४ छक्का प्रहार गरे। उनको यो जारी प्रतियोगितामा लगातार तेस्रो अर्धशतक हो। यसअघि उनले कर्णाली याक्सविरुद्ध ५२ र लुम्बिनी लायन्सविरुद्ध ६६ रन बनाएका थिए।

सैफ जैब ३२, देव खनाल २८ र डेबिड मिलान १७ रनमा आउट हुँदा कुशल मल्लले अविजित २० रन बनाए।

विराटनगरका सन्दीप लामिछाने र मर्चेन्ट डी लेङ्गेले समान २ विकेट हात पारे।