पीएसजीका खेलाडी बालोन डी’ओर अवार्डमा नजाने

काठमाडौं। पेरिस सेन्ट–जर्मेन (पीएसजी) का खेलाडी आगामी सोमबार हुने बालोन डी’ओर पुरस्कार समारोहमा उपस्थित हुन नपाउने भएका छन्।

यो निर्णय फ्रेञ्च लिग ‘वान’का अधिकारीहरूले गरेका विवादास्पद निर्णयका कारण भएको हो। पीएसजी गत वर्षको सफल क्लब हो। उसले पेरिसमा हुने कार्यक्रममा सम्मानित हुने अवसर प्राप्त गरेको थियो।

लुइस एनरिकेको युरोपियन च्याम्पियन टोलीका धेरै खेलाडी यस वर्ष पुरस्कारका लागि मनोनित छन्। मुख्य रूपमा उसमाने डेम्बेले पनि बालोन डी’ओरका मुख्य दाबेदार मानिन्छन्। डेम्बेले च्याम्पियन्स लिग जित्दा उत्कृष्ट प्रदर्शन गर्दै प्रतियोगिताको ‘प्लेयर अफ द टुर्नामेन्ट’ अवार्ड जितेका थिए।

तर, ह्यामस्ट्रिङ चोटका कारण उनले केही हप्ता खेल्न पाएका छैनन्। २८ वर्षे फ्रेञ्च स्ट्राइकर अर्को चार हप्तासम्म मैदानबाट बाहिर रहने सम्भावना छ। तर, सोमबारको पुरस्कार समारोहमा उनी उपस्थित हुन सक्नेछन्।

पीएसजीले सेप्टेम्बर २१ का दिन लिग ‘वान’मा प्रतिद्वन्द्वी मार्सेइको सामना गर्ने तय थियो। तर, खराब मौसमका कारण क्लासिक म्याच स्थगित गर्नुपर्‍यो। लिगका अधिकारीहरूले किक–अफ ६ घण्टा अघि स्थगित भएको पुष्टि गरेका थिए।

अब म्याच सोमबार लिग डि फुटबल प्रोफेस्सियोनेलका नियमअनुसार खेलिनेछ र यो बलोन डी’ओर समारोहसँगै राति हुनेछ। एनरिकेले सोमबार ‘जोहान क्रूफ ट्रफी’ (सर्वोत्कृष्ट वर्षका प्रशिक्षक) अवार्ड पाउने अपेक्षा गरिएको छ। तर, अब उनी आफ्नो टोलीसँग व्यस्त हुने भएकाले अवार्ड लिन असम्भव हुने देखिन्छ। पीएसजी का अन्य खेलाडी विटिन्हा, ख्विचा क्वारात्स्केलिया, र नुनो मेन्डेसबालोन डी’ओरका लागि मनोनित छन्। तर, उनीहरू बाहिरका दाबेदार हुन्।

डेम्बेको चोटले गर्दा उनलाई खेल र समारोह एकै समयमा हुने भए तापनि अवार्ड पाउन कुनै समस्या छैन। तर, आफ्नो टोलीका साथीहरू समारोहमा उपस्थित नहुने भएकाले डेम्बेले आफ्नो सफलता साथीहरूसँग मनाउन पाउने छैनन्।