टप इन्ड टी–२० सिरिज : नेपालको पहिलो खेल नर्दर्न टेरिटोरीसँग

काठमाडौं। नेपाली राष्ट्रिय क्रिकेट टोलीले टप इन्ड टी–२० सिरिजको पहिलो खेलमा नर्दर्न टेरिटोरी स्ट्राइकरसँग खेल्ने भएको छ।

नर्दर्न टेरिटोरी क्रिकेटले सार्वजनिक गरेको खेल तालिका अनुसार यी दुईबीचको खेल अगस्ट १५ मा हुनेछ।

नेपालले टी–२० विश्वकप छनोटको तयारीस्वरूप जुलाई १४ देखि २४ सम्म डार्विनमा हुने प्रतियोगिता खेल्न लागेको हो।

प्रतियोगितामा यी दुईबाहेक बंगलादेश ‘ए’, मेलबर्न स्टार्स, होबार्ट हुरिकेन्स, मेलबर्न रेनेगेड्स र पाकिस्तान शाहीन्स टिमको सहभागिता रहने छ।

नेपालले अगस्ट १६ मा बंगलादेश ‘ए’, १८ मा मेलबर्न स्टार्स, १९ मा हुरिकेन्स, २० मा मेलबर्न र २२ मा पाकिस्तानसँग खेल्नेछ ।  

प्रतियोगिताका खेल डिएक्सी एरिना, टिआइओ रंगशाला र काजालीको एरिनामा हुनेछ।