अल्फालाई उपाधि
सोमबार, ०२ असार २०८२खेलपाटी संवाददाता
काठमाडौं। दाङको अल्फा तेक्वान्दो डोजाङले प्रथम एनटीए राष्ट्रिय टिम ग्योरोगी च्याम्पियनसिपको उपाधि जितेको छ।
सातदोबाटोस्थित नेपाल तेक्वान्दो एकेडेमीमा सोमबार भएको जुनियर पुरुषको फाइनलमा टिम चितवनलाई पराजित गर्दै अल्फाले उपाधि जितेको हो। वसन्त विष्ट, कमल परियार र कमल खड्का सम्मिलित अल्फाले कृष्ण विक, रोनक राउत र सौगात सुन्दास सम्मिलित टिम चितवनलाई ४८–३४ अंकले पराजित ग¥यो। च्याम्पियनसिपमा टिम धादिङ र टिम तारकेश्वरले तेस्रो स्थान हात पारे।
यसैगरी जुनियर महिलामा टिम तारर्केश्वरले पहिलो स्थान हात पार्यो। निकै प्रतिस्पर्धात्मक खेलमा तारकेश्वरले फेयरलेस डोजाङलाई ७१–६२ ले हरायो। टिम तारकेश्वरबाट सपना रिखाम, कृतिका थापामगर र सोनिया तामाङ तथा फेयरलेस डोजाङबाट अनिशा मगर, लक्ष्मी तामाङ र सृष्टि लामाले प्रतिस्पर्धा गरेका थिए। यस स्पर्धामा यानसु डोजाङ र गोर्खाली डोजाङले तेस्रो स्थान हात पारे।
यसैगरी क्याडेट पुरुषतर्फको उपाधि ढल्को डोजाङले हात पार्यो। ढल्कोले फाइनलमा राष्ट्रिय विभूति सामुदायिक शिक्षा सदनलाई पराजित गर्यो। नेपाल टाइगर्स र सीतापाइला डोजाङले तेस्रो स्थान हात पारे। यस्तै क्याडेट महिलातर्फको उपाधि भने राइजिङ फाइटर्सले जितेको थियो।
च्याम्पियनसिपको विजेता टिमलाई ५० हजार र उपविजेतालाई २५ हजार रुपैयाँ पुरस्कार प्रदान गरिएको नेपाल तेक्वान्दो संघका केन्द्रीय सदस्य एवं टेक्निकल डेलिगेट्स बब्लु सिवाकोटीले जानकारी दिए। च्याम्पियनसिपका विजेता खेलाडीलाई नेपाल तेक्वान्दो संघका अध्यक्ष प्रकाशशम्शेर राणाले पुरस्कार प्रदान गरेका थिए।
संघले पहिलो पटक ग्योरोगी विधामात्र समावेश गरेर टिम च्याम्पियनसिप आयोजना गरेको हो। प्रतियोगिता विश्व तेक्वान्दोको टिम ग्योरोगीको नियम अनुसार सञ्चालन गरिएको थियो। प्रतियोगितामा १२ देखि १४ वर्ष उमेरसमूहमा क्याडेट गल्र्स/ब्वाइज टिम तथा १५ देखि १७ वर्ष उमेर समूहमा जुनियर गल्र्स÷ब्वाइज टिम गरी चार स्पर्धा समावेश गरिएको थियो।
-1768572164221.png&w=3840&q=75)
-1767511356725.jpeg&w=3840&q=75)
-1766583817323.jpg&w=3840&q=75)
-1766407401552.jpeg&w=3840&q=75)
