युनाइटेड जाने भए कुन्हा

काठमाडौं। म्यानचेस्टर युनाइटेडले आइतबार वुल्भ्सबाट ब्राजिलियन फरवार्ड माथेयुस कुन्हालाई अनुबन्ध गर्ने सम्झौता गरेको छ।

यो सम्झौतासँगै नयाँ प्रशिक्षक रुबेन अमोरिमले क्लबको इतिहासकै खराब प्रिमियर लिग सिजनपछि पुनर्निर्माणको थालनी गरेका छन्।

युनाइटेडले कुन्हाका लागि झन्डै ८४ मिलियन डलर तिर्नेछ। कुन्हाले युनाइटेडसँग पाँच वर्षको सम्झौतामा हस्ताक्षर गरेका छन्, जुन एक वर्ष थप बढाउन सकिनेछ।

यो सम्झौता उनी ब्राजिलका लागि अन्तर्राष्ट्रिय ड्युटी सकेपछि औपचारिक रूपमा सम्पन्न हुनेछ। वुल्भ्सले कुन्हाका लागि क्लबकै कीर्तिमानी स्थानान्तरण रकम प्राप्त भएको पुष्टि गरेको छ। कुन्हाले क्लबका लागि २ वर्ष ६ महिनाको अवधिमा ९२ खेलमा ३३ गोल गरेका थिए।