पहिलो खेलबाटै बाहिरियो लिग च्याम्पियन चर्च ब्वाइज

काठमाडौं। ए डिभिजन लिग च्याम्पियन चर्च ब्वाइज यसनाइटेडलाई पराजित गर्दै संकटा फुटबल क्लब सभापति कपको सेमिफाइनलमा प्रवेश गरेको छ।

त्रिपुरेश्वरस्थित दशरथ रंगशालामा बिहीबार सम्पन्न खेलमा संकटाले चर्च ब्वाइजलाई ३–० ले पराजित गरेको हो। योसँगै चर्च ब्वाइज पहिलो खेलबाट बाहिरिएको छ। 

योसँगै संकटाले फाइनल प्रवेश गर्न मच्छिन्द्र फुटबल क्लब र विभागीय टोली एपिएफ क्लबबीचको विजेतासँग खेल्ने छन्। यो खेल शुक्रबार यही मैदानमा ३ बजे हुने तय छ। 

संकटालाई जित दिलाउन अबेक रिर्चडले दुई र ले एक गोल गरे। खेलको २३औं मिनेटमै रिचर्डले संकटालाई सुरुआती अग्रता दिलाए। मध्यभागबाट इमानुयल अउसुकोले दिएको बललाई उनले पेनाल्टी बक्सनजिकबाट गोलमा परिणत गरेका हुन्।

५७औं मिनेटमा अबायोमी ओलुवासेनले वान भर्सेस वानमा गोल गर्न सकेनन्। योसँगै चर्च ब्वाइजले खेलमा फर्किने अवसर गुमायो। ७०औं मिनेटमा श्रीजन क्षेत्रीले चर्च ब्वाइजका कप्तान अनन्त तामाङलाई बिट गर्दै दिएको बललाई रिचर्डले नै जाली चुमाए। त्यसको तीन मिनेटपछि नै रिबाउन्डमा आएको बलमा चन्दन दासले गोल गर्दै संकटाको अग्रता ३–० मा पुर्‍याए।