सिराज र हेडलाई आइसिसीको कारबाही

काठमाडौं। अन्तर्राष्ट्रिय क्रिकेट काउन्सिल (आइसिसी) ले भारतीय तीव्र गतिका बलर मोहम्मद सिराजलाई दोस्रो डे–नाइट क्रिकेट टेस्टमा चर्को विवाद गरेको भन्दै म्याच फीको २० प्रतिशत जरिवाना गरेको छ।

सिराज र ट्राभिस हेडलाई आइसिसीको आचार संहिता उल्लंघन गरेको अभियोगमा सोमबार अनुशासनात्मक सुनुवाइपछि दोषी ठहर गरिएको हो। सिराजलाई खेलाडी र सहयोगी कर्मचारीका लागि आइसिसीको आचार संहिताको धारा २.५ उल्लंघन गरेको पाइएपछि म्याच फीको २० प्रतिशत जरिवाना गरिएको आईसीसीले जनाएको छ। 

आइसिसीले खेलाडी र सहयोगी कर्मचारीका लागि आइसिसीको आचार संहिताको धारा २.१३ को उल्लंघन गरेको भन्दै हेडलाई पनि दण्डित गरिएको जनाएको छ। तर, अन्तर्राष्ट्रिय म्याचको क्रममा कुनै पनि खेलाडी, खेलाडी सहयोगी कर्मचारी, अम्पायर वा म्याच रेफ्रीसँग दुर्व्यवहार नगरेको भन्दै उनी प्रतिबन्धबाट बच्न सफल भएका थिए।

२.५ यो नियम ब्याट्सम्यानको अपमान गर्ने वा ब्याट्सम्यानलाई आउट हुँदा आक्रामक प्रतिक्रिया जनाउन उक्साउने भाषा, क्रिया वा हाउभाउको प्रयोग सँग सम्बन्धित छ। सिराज र हेडको अनुशासनात्मक रेकर्डमा एक डिमेरिट प्वाइन्ट थपिएको छ, जुन २४ महिनामा पहिलो अपराध हो। 'दुवैले अपराध स्वीकारेका छन् र म्याच रेफ्री रञ्जन मदुगलेले प्रस्ताव गरेको प्रतिबन्ध स्वीकार गरेका छन्,' आइसिसीले भनेको छ। '

अस्ट्रेलियाले दोस्रो टेस्टमा १० विकेटको जित हात पार्दा हेड र सिराजबीच दोस्रो दिन केही बेर झगडा भएको थियो। सिराजको बलमा आउट हुनुअघि हेडले १४१ बलमा १४० रनको शानदार इनिङ्स खेलेका थिए। सिराजले हेडलाई आक्रामक बिदाइ गरेपछि दुई खेलाडीबीच विवाद भएको थियो। यस घटनापछि भारतीय खेलाडीले एडिलेडमा भीडबाट विरोधी हुटिङको सामना गर्नुपरेको थियो।