‘इन–फर्म’ एट्लेटिको

काठमाडौं। एट्लेटिको मड्रिडले एन्टोनी ग्रिजम्यानको उत्कृष्ट प्रदर्शनको मद्दतमा स्पेनिस ला लिगामा सेभियालाई ४–३ ले पराजित गर्दै स्पेनिस लिगमा लगातार नवौं जित निकालेको छ। यो सिजन पहिलो पटक एट्लेटिकोले तीन गोल खाए पनि डिएगो सिमोनको ‘इन–फर्म’ टोलीले आफ्नो लय कायम राख्न सफल भएको छ।

रोड्रिगो डी पाउलले १०औं मिनेटमा गोल गर्दै एट्लेटिकोलाई अग्रता दिलाए। तर, डोडी लुकेबाकियो, इसाक रोमेरो र जुआनलु सान्चेजले गोल गर्दै दोस्रो हाफको सुरुमै सेभियालाई ३–१ को अग्रता दिलाए। घरेलु समर्थकको उपस्थिति र टिकट विवादका कारण मेट्रोपोलिटानो स्टेडियम असामान्य रूपमा शान्त थियो। तर, एट्लेटिकोले पुनरागमन गर्‍यो।

सिमोनले ६२औं मिनेटमा पाँच खेलाडी परिवर्तन गरेपछि एट्लेटिकोको खेलमा उत्साह देखियो। ग्रिजम्यानले ३० यार्ड टाढाबाट गोल गर्दै खेल ३–३ को बराबरीमा ल्याए। इन्जुरी समयमा ग्रिजम्यानले नै निर्णायक गोल गर्दै टोलीलाई महत्त्वपूर्ण जित दिलाए।

यो जितसँगै एट्लेटिकोले लिग तालिकाको तेस्रो स्थानमा ३५ अंकसहित आफ्नो स्थान बलियो बनाएको छ। टोली शीर्ष स्थानको रियल मड्रिडभन्दा एक अंकले पछाडि छ भने बार्सिलोनाभन्दा तीन अंकले अगाडि छन्।

खेलपछि ग्रिजम्यानले भने, ‘हामीलाई खेलमा सामेल हुन कठिन भयो। हामीले समर्थकहरूको साथ गुमाएका थियौं। तर, अन्त्यमा टोलीले उत्कृष्ट प्रदर्शन गर्दै जित हासिल गर्‍यो।’