पूजाले लिइन् एकै ओभरमा चार विकेट

काठमाडौं। कप्तान पूजा महतोले आइसिसी यु-१९ महिला टी-२० विश्वकप एसिया छनोटमा कुवेतविरुद्ध एकै ओभरमा चार विकेट लिएकी छन्।

नेपालले दिएको २१४ रनको लक्ष्य पछ्याइरहेको कुवेतविरुद्ध उनले उक्त विकेट लिएकी हुन्। उनले नवौं ओभरको पहिलो बलमा रेलिन मारियालाई एलबिडब्यु आउट बनाइन्।

दोस्रो बलमा अमिषा रामलाई बोल्ड गरेकी थिइन्। तर, उनी ह्याट्रिक विकेट लिन भने चुकिन। तेस्रो बलमा सेरेना साइमनले डट खेलिन्। चौथो बलमा सेरेनालाई पुजाले बोल्ड गरिन्।

पाँचौं बलमा सारा जस्भीलाई बोल्ड गरिन्। यद्यपि, अन्तिम बलमा जिनिया अफरोजले डट खेल्दै उनलाई पुन: ह्याट्रिक लिन रोकिन्।