प्लेअफबाटै बाहिरियो मियामी

काठमाडौं। इन्टर मियामी मेजर लिग सकरको प्लेअफबाटै बाहिरिएको छ। आइतबार भएको खेलमा एटलान्टा युनाइटेडसँग ३-२ ले पराजित हुँदै मियामी प्रतियोगिताबाट बाहिरिएको हो।

मियामीले खेलको १७औं मिनेटमै सुरुआती अग्रता लिएको थियो। तर, माटियस रोजसको सो अग्रता दुई मिनेटभन्दा बढी कायम रहन सकेन। चार मिनेटभित्र दुई गोल गर्दै जमाल थियारेले युनाइटेडलाई अग्रता दिलाए।

६५औं मिनेटमा कप्तान लिओनल मेसीले हेडर गोल गर्दै मियामीलाई पुन: खेलमा फर्काएका थिए। तर, त्यसको ११ मिनेटपछि नै ब्राटोस्ज सिलिजले गोल गर्दै युनाइटेडलाई जित दिलाए।