कविता : जय गोर्खे नेपाली

वीरताको गाथा हाम्रो 
शिरमा सगरमाथा हाम्रो ।
जितमा दायाँ बायाँ रहोस्
जय पशुपतिनाथ हाम्रो ।

शक्ति दिउन् मैदानमा 
गोलको वर्षा गराउने ।
एक ढिक्का भई टिम नेपालले 
विपक्षीलाई तर्साउने ।

जय नेपाल गुन्जाउला 
तालमा ताल साथ हाम्रो ।
ताली बजाई हौसाउला 
पलपलमा हात हाम्रो ।

मैदानमा विजय पाउँदा 
उच्चो बन्ला माथ हाम्रो ।
जीत हार खेल हो हेर 
सदा तिमीलाई साथ हाम्रो ।

आज लडाऊ भारतलाई 
अनि पालो भुटान या बंगालीको ।
तागत देखेर छक्कै परोस दुनियाँ
जय गोर्खे नेपालीको ।

शुभ नमन टिम नेपाललाई 
करोडौँ साथ हाम्रो ।
राम्रो खेले जिती हाल्छ 
जोडी रहुँला हात हाम्रो ।

जय नेपाल विजयी भाव: 
टिम नेपाललाई जितको लागि धेरै धेरै शुभकामना ।