होज्लन्डको निर्णायक गोलमा युनाइटेडको जित

काठमाडौं। राम्मस होज्लन्डको निर्णायक गोलसँगै म्यानचेस्टर युनाइटेडले इङ्लिस प्रिमियर लिगमा ब्रेन्टफोर्डविरुद्ध पुनरागमन जित हात पारेको छ।

ओल्ड ट्राफोर्डमा शनिबार भएको खेलमा घरेलु टोलीले ब्रेन्टफोर्डलाई २-१ ले हराएको हो। जितसँगै आठ खेलमा ११ अंक जोडेको युनाइटेड १०औं स्थानमा उक्लिएको छ। ब्रेन्टफोर्ड समान खेलबाट १० अंकका साथ १२औं स्थानमा छ।

पहिलो हाफको इन्जुरी समयमा इथन पिनोकको गोलमार्फत ब्रेन्टफोर्डले सुरुआती अग्रता लिएको थियो । तर, उक्त अग्रता कायम रहन सकेन। दोस्रो हाफको सुरुआतमै एलेजान्द्रो गार्नाचोले गोल गर्दै युनाइटेडलाई खेलमा फर्काए।

६२औं मिनेटमा होज्लन्डले गोल गर्दै युनाइटेडलाई २-१ को पुनरागमन जित दिलए।