सेल्टिकको पोस्टमा डर्टमन्डको ७ गोल

काठमाडौं। करिम अदेयेमीको ह्याट्रिकसँगै बोरुसिया डर्टमन्डले च्याम्पियन लिगमा सेल्टिकमाथि सहज जित हासिल गरेको छ।

घरेलु मैदानमा बिहीबार राति भएको खेलमा डर्टमन्डले सेल्टिकलाई ७–१ ले पराजित गरेको हो। जितसँगै शीर्ष स्थानको डर्टमन्डले दुई खेलबाटट ६ अंक जोडेको छ। सेल्टिक भने समान खेलबाट तीन अंकसहित १९औं स्थानमा छ।

करिमबाहेक सेरहोउ गुइरासीले दुई तथा एमरे क्यान र फेलिक्स नमेचाले समान एक गोल गरे। सेल्टिकका लागि डेजन मेडाले मात्रै एक गोल गरे।