बेलबारी गोल्डकप स्थगित 

पथरी। मोरङको बेलबारी ११ स्थित लक्ष्मी मार्गमा शुक्रबारबाट सुरु हुने भनिएको सातौं बेलबारी अन्तर्राष्ट्रिय आमन्त्रण गोल्डकप स्थगित भएको छ।

आयोजक लक्ष्मी मार्ग सिटी फुटबल क्लबका अध्यक्ष विक्रम राईका अनुसार पूर्वी क्षेत्रमा अविरल वर्षा भइरहेकोले  गोल्डकप स्थगित गरिएको हो।

अखिल नेपाल फुटबल संघ (एन्फा) सँग छलफल गरी छिट्टै नै नयाँ खेलतालिका सार्वजनिक गर्ने राईले जानकारी दिए। गोल्डकपमा एक विभागीय र भारतको एकसहित १० टिमको सहभागिता रहने तय थियो।