उपाधिनजिक चित्लाङ

काठमाडौं। भुईँ खेल क्लबलाई पराजित गर्दै चित्लाङ फुटबल क्लब काठमाडौं जिल्लास्तरीय नकआउट फुटबल प्रतियोगिताको उपाधिनजिक पुगेको छ।

सानोगौचरण मैदानमा आइतबार भएको सेमिफाइनलमा चित्लाङले भुईँ खेललाई पेनाल्टीमा ५-३ ले पराजित गरेको हो। 

निर्धारित ९० मिनेटको खेलमा दुवै टोलीले १-१ गोल गरेका थिए। चित्लाङका लागि विकेश शाही र भुईँ खेलका लागि सन्तोष विकले गोल गरेका हुन्।