एसियन कप छनोट : पहिलो खेलमै नेपाल पराजित

काठमाडौं। नेपाली यु २० टोलीले हारबाट एएफसी एसियन कप छनोटको सुरुआत गरेको छ। शनिबार भएको समूहचरणको पहिलो खेलमा नेपाल कम्बोडियासँग ४-१ ले पराजित भएको हो।

पहिलो हाफमा नेपाल २-१ ले पछि परेको थियो। तर, दोस्रो हाफमा फितलो प्रदर्शन गर्दै तीन गोल खान पुग्यो। 

नेपालका लागि एकमात्रै गोल समीर तामाङले गरेका हुन्। कम्बोडियाका लागि भ्रेक फान,फोउक थाथाई, मीन वचनरिथ र एभ सोवान्नाराले समान एक गोल गरे।