नेपाल प्रिमियर लिग : अक्सनका लागि खेलाडी दर्ता खुला

काठमाडौं। नेपाल प्रिमियर लिगको अक्सनका लागि खेलाडी दर्ता प्रकृया खुला भएको छ।

आयोजक नेपाल क्रिकेट संघ (क्यान)ले अक्सनमा सहभागी हुन चाहने नेपाली खेलाडीहरूका लागि दर्ता प्रकृया खुला गरेको हो। प्रतियोगिता नोभेम्बर ३० देखि डिसेम्बर २१ सम्म काठमाडौंमा हुनेछ।

अक्सनमा सहभागी हुन चाहने नेपाली खेलाडीहरूले https://npl-t20.com/registration लिंकमार्फत आफ्नो नाम दर्ता गराउनुपर्नेछ। अक्सन प्रकृयामा सहभागी हुने खेलाडीहरुलाई ए, बी, सीगरी तीन श्रेणीमा विभाजन गरिएको हुँदा खेलाडीहरूले आफ्नो इच्छा अनुरुप कुनै पनि श्रेणीमा  नाम दर्ता गर्न सक्नेछन्।

दर्ता शुल्कप्रति खेलाडी एक हजार तोकिएको छ। दर्ता गर्ने अन्तिम समय असोज १२ गते सम्म रहेको क्यानका प्रवक्ता छुम्बी लामाले जानकारी दिए।