देवप्रगति सेभेन ‘ए’ साइड फुटबल हुने 

नवलपुर । देवप्रगति युवा समाजको आयोजनामा सेन्ट्रल कलेज देवप्रगति सेभेन ‘ए’ साइड फुटबल प्रतियोगिता हुने भएको छ ।

प्रतियोगिता असोज ९ गतेबाट देवचुलीस्थित भीमसेन आदर्श माविको खेल मैदानमा प्रतियोगिता संचालन गरिने आयोजकले जानकारी दिएको छ । 

प्रतियोगिताको विजेताले ५५ हजार ५५५ तथा उपविजेताले ३३ हजार ३३३ रुपैयाँसहित मेडल, ट्रफी र प्रमाणपत्र प्राप्त गर्नेछन्।

यसैगरी उत्कृष्ट खेलाडी, सर्वोकृष्ट गोलरक्षक, सर्वाधिक गोलकर्ता तथा उत्कृष्ट रक्षकालाई पुरस्कारको व्यवस्था गरिएको छ ।

सेन्ट्रट कलेज भरतरपुर मुख्य प्रायोजक रहेको प्रतियोगितामा सहभागिताका लागि असोज ८ गतेसम्म ३ हजार ५०० तिरेर टिम दर्ता गर्न सकिने आयोजकले जनाएको छ ।