लिग २ खेल्न क्यानडा जाने टोलीको बिदाई

काठमाडौं। नेपाल क्रिकेट संघ (क्यान)ले आइसिसी विश्वकप लिग २ को दोस्रो सिरिज खेल्न जाने टोलीको बिदाइ गरेको छ। पहिलो सिरिज कीर्तिपुरस्थित त्रिवि क्रिकेट मैदानमा आयोजना भएको थियो।

पाहुना टोली नामिबियाविरुद्धको दुवै खेलमा हार बेहोरेको नेपाल नेदरल्यान्ड्ससँग भने दुई अंक खोस्न सफल भयो। नेपाल क्रिकेट संघ (क्यान)ले मंगलबार क्यानडामा सेप्टेम्बर १६ देखि हुने दोस्रो सिरिज खेल्न जाने टोलीलाज्ञ बिदाइ गरेको हो।

बिदाइ कार्यक्रममा क्यानका सचिव पारस खड्का, प्रवक्ता छुम्बी लामा, राष्ट्रिय खेलकुद परिषद् (राखेप) का सदस्यसचिव टंकलाल घिसिङलगायतको उपस्थिति थियो । सिरिजमा घरेलु टोली र नेपालबाहेक ओमानले सहभागिता जनाउने छ।

नेपालले दोस्रो खेल ओमानसँग खेल्नेछ। तीन दिनको रेस्ट लिएर नेपाल पुन: घरेलु टोलीसँग खेल्न उत्रिनेछ। त्यसको दुई दिनपछि नेपालले ओमानसँग खेल्दै यो सिरिज अन्त्य गर्नेछ।