आगामी असोजमा सिइ कर्पोरेट टी-१० क्रिकेट प्रतियोगिता

काठमाडौं। सिइ कन्स्ट्रक्सन प्रालिको आयोजनामा सिइ कर्पोरेट टी-१० क्रिकेट प्रतियोगिता आगामी असोज ३ र ४ गते हुने भएको छ।

चुनिखेलस्थित रोयल्स स्पोर्टस पार्कको इन्डोर क्रिकेट मैदानमा हुने प्रतियोगितामा १२ देखि १६ टोलीको सहभागिता रहने आयोजकको अपेक्षा छ।

प्रत्येक टिममा १० खेलाडी हुनेछन्। एक पटकमा आठ खेलाडीलाई मैदानमा उतार्न पाइनेछ। विभिन्न विधाका उत्कृष्ट खेलाडीहरूलाई विशेष पुरस्कारको पनि व्यवस्था गरिएको छ।

गत वर्ष सम्पन्न पहिलो संस्करणमा सलिको इन्स्योरेन्स विजेता र आयोजक सिइ कन्स्ट्रक्सन उपविजेता बनेका थिए।