प्रियांशले हाने ६ बलमा ६ छक्का

काठमाडौं। प्रियांश आर्यले दिल्ली प्रिमियर लिग (डीपीएल) मा ६ बलमा ६ छक्का प्रहार गरेका छन्।

दक्षिण दिल्लीबाट खेलिरहेका प्रियांशले उत्तर दिल्लीका स्पिनर मनन भारद्वाजविरुद्ध १२औं ओभरमा लगातार ६ छक्का प्रहार गरेका हुन्।

मनन मुख्यतया बायाँ हाते स्पिनर हुन्। तर, प्रियांशले लगातार चार छक्का प्रहार गरेपछि उनले दाहिने हातले बलिङ गरेका थिए। प्रियांशले सबै छक्का लङ अन र लङ अफ एरिया मा प्रहार गरेका हुन्।

यस इनिङ्समा प्रियांशले ४० बलमा आफ्नो शतक पूरा गरे। यो उनको डीपीएल सिजनमा दोस्रो शतक हो। आफ्नो सम्पूर्ण इनिङ्समा उनले ५० बलको सामना गर्दै १० चौका र १० छक्काको मद्दतमा कुल १२० रन बनाए।