इङ्ल्यान्डको टोलीमा गोमेज र नोनी

काठमाडौं। अन्तरिम प्रशिक्षक ली कार्स्लेले एन्जेल गोमेज र नोनी माडुकेलाई समेट्दै इङ्ल्यान्डको टोली घोषणा गरेका छन्।

इङ्ल्यान्डले नेसन्स लिगमा आयरल्यान्डसँग ७ र फिनल्यान्डसँग ११ सेप्टेम्बरमा खेल्दैछ। पूर्वप्रशिक्षक ग्यारेथ साउथगेटका सबैभन्दा विश्वासिलो खेलाडीमध्येका एक किरन ट्रिपियरले सन्न्यास लिएको दिन उनीहरूलाई टोलीमा समावेश गरिएको हो।

२३ वर्षीय गोमेज एक प्राविधिक प्रतिभाशाली मिडफिल्डर हुन्। उनले म्यानचेस्टर युनाइटेड र फ्रान्सेली क्लबमा लिलका लागि खेलेका छन्। 

प्रिमियर लिगअन्तर्गत आइतबार वुल्भरह्याम्पटनविरुद्ध चेल्सीका लागि पहिलो ह्याट्रिक गरेपछि विंगर माडुकेले पनि टोलीमा बोलाइएको हो।