विश्वकप खेलेका खेलाडीलाई जनही ३ लाख प्रोत्साहन भत्ता

काठमाडौं। नेपाल क्रिकेट संघ क्यानले आइसिसी ट्वान्टी–२० विश्वकप खेलेका खेलाडीहरुलाई जनही ३ लाख रुपैयाँ प्रोत्साहन भत्ता दिने भएको छ।

क्यान कार्यसमितिको बिहीबार बसेको बैठकले विश्वकपमा उत्कृष्ट प्रर्दशन गरेको भन्दै प्रोत्साहन भत्ता दिने निर्णय गरेको  प्रवक्ता छुम्बी लामाले जानकारी दिए।

यसअनुसार टिममा रहेका खेलाडीहरु र मुख्य प्रशिक्षकले जनही ३ लाख पाउनेछन् भने अरु सपोर्ट स्टाफले जनही १ लाख ५० हजार रुपैयाँ पाउने भएका छन्।