मिट्रोभिचको गोलमा हिलालको दोस्रो जित

काठमाडौं। एलेक्जान्डर मिट्रोभिचको निर्णायक गोलसँगै साबिक विजेता अल हिलालले साउदी प्रो लिगमा लगातार दोस्रो जित हासिल गरेको छ।

प्रिन्स फैसल बिन फहद स्टेडियममा बुधबार राति भएको खेलमा हिलालले दमाक एफसीलाई ३–२ ले पराजित गरेको हो।जितसँगै हिलालको दुई खेलबाट ६ अंक जोडेको छ।

अंकविहीन रहेको दमाक १५औं स्थानमा छ। पहिलो हाफको इन्जुरी समयमा मिट्रोभिचले गोल गर्दै हिलाललाई सुरुआती अग्रता दिलाएका थिए।

तर, दोस्रो हाफको चौथो मिनेटमा फ्रान्कोइ कोमानोले दमाकलाई बराबरीमा ल्याए। त्यसको दुई मिनेटपछि नै हाबिब डिअलोको गोलमा दमाकले १–२ को अग्रता बनायो।

मोहम्मद अल जुवारीले ७३औं मिनेटमा गोल गरेपछि हिलाल २–२ को बराबरीमा फर्कियो। निर्धारित ९० मिनेटको खेल सकिन ६ मिनेट बाँकी रहँदा मिट्रोभिचले गोल थप्दै जित सुनिश्चित गरे।