रात्रीभोज दिँदै एन्फा

काठमाडौं। अखिल नेपाल फुटबल संघ (एन्फा)ले रात्रीभोज दिने भएको छ। साफ यु-२० च्याम्पियनसिपको फाइनल सकिएलगत्तै एन्फाले ललितपुरको ग्वार्कोस्थित कान्तिपुर गार्डेनमा रात्रीभोज दिन लागेको हो।

एन्फा महासचिव किरण राईले मंगलबार पठाएको पत्रअनुसार रात्रीभोजमा ए, बी र सी डिभिजन क्लब र एन्फा पदाधिकारीलगायतको उपस्थिति हुनेछ।

नेपाल साफ यु-२० को फाइनलमा बंगलादेशसँग ४-१ ले पराजित भएको थियो। उक्त खेल हेर्न एन्फा कम्प्लेक्स पुगेका महासचिव राईलगायत अन्य पदाधिकारी रात्रीभोज हुने स्थानतिर प्रस्थान गरिसकेका छन्।