बिग बास लिगको ड्राफ्टमा सन्दीप र ललित

काठमाडौं। अस्ट्रेलियाको बिग बास लिग (बिबिएल) को ड्राफ्टमा नेपालका दुई खेलाडी परेका छन्।

२०२४ को नयाँ सिजनको प्रतियोगिताका लागि नेपाली राष्ट्रिय टोलीका लेग स्पिनर सन्दीप लामिछानेसँगै ललितनारायण राजवंशी परेका हुन्। सन्दीपले यसअघि पनि बिबिएल खेलिसकेका छन्।

राजवंशीसँग भने विदेशी लिग खेलेको कुनै अनुभव छैन। बिबिएलको ड्राफ्टमा ३० देशका ४३२ खेलाडी छन्। सन्दीप गत संस्करण पनि ड्राफ्ट थिए। तर, उनी बिकेका थिएनन्।