स्पेनिस लिगमा फर्किए रोड्रिग्वेज

काठमाडौं। जेम्स रोड्रिग्वेज स्पेनिस लिगमा फर्किएका छन्।

रियल मड्रिड छाडेर इङ्लिस प्रिमियर लिगमा एभर्टनमा आबद्ध भएको चार वर्षपछि कोलम्बियाका प्लेमेकरलाई स्पेन फर्काउने सम्झौतामा हस्ताक्षर गरेको मड्रिड क्लब रायो भालेकानोले सोमबार जनाएको छ।

कोलम्बियालाई कोपा अमेरिकाको उपविजेता बनाएपछि ३३ वर्षीय रोड्रिग्वेजले ब्राजिलियन क्लब साओ पाउलोसँगको सम्झौता रद्द गरेका थिए। उनलाई साउदी अरब र संयुक्त राज्य अमेरिकाका क्लबहरूबाट प्रस्ताव आएको बताइएको छ।

रियाल सोसिडाडमाथि २–१ को जित र गेटाफेसँग ०–० को बराबरी खेल्दै रायोले लिगको सुरुआत गरेको थियो। ‘रायोजस्तो ऐतिहासिक क्लबमा सामेल हुन पाउँदा मलाई निकै खुसी लागेको छ,’ रोड्रिग्वेजले भने।