रिजवानले हाने टेस्ट क्रिकेटमा तेस्रो शतक

काठमाडौं। विकेटकिपर मोहम्मद रिजवानको १७१ रनको कीर्तिमानी इनिङ्सको मद्दतमा पाकिस्तानले बंगलादेशविरुद्धको पहिलो टेस्टको दोस्रो दिन ६ विकेटको क्षतिमा ४४८ रन बनाएको छ। 

पाकिस्तानका लागि साउद शोकिलले २६१ बलमा १४१ रनको योगदान दिए। पाकिस्तानलाई ठूलो स्कोरमा पुग्नु पनि विशेष छ किनभने उसले इनिङ्सको पहिलो तीन विकेट मात्र १६ रनमा गुमाएको थियो।

यस दौरान पाकिस्तानको इनिङ्स सैम अयूब, सऊद शकील र रिजवानले उकासे। बंगलादेशका हसन महमुद र शोरिफुल इस्लामले समान २–२ विकेट लिए।

रिजवानको टेस्ट क्रिकेटमा यो तेस्रो शतक हो। यसअघि उनले अस्ट्रेलियाविरुद्ध  १०४ र दक्षिण अफ्रिकाविरुद्ध ११५ रन बनाएका थिए। उनी दुवैपल्ट अविजित रहे। तर, बंगलादेशविरुद्ध रिजवानले आफ्नो करियरकै उत्कृष्ट इनिङ्स खेले। रिजवानले २३९ बलमा ११ चौका र ३ छक्काको मद्दतमा १७१ रन बनाए।

उनी अन्तिमसम्म अविजित रहे। एक समय रिजवानले दोहोरो शतक बनाउने जस्तो देखिएको थियो। तर, त्यसअघि कप्तान शान मसूदले इनिङ्स अन्त्यको घोषणा गर्दै बंगलादेशलाई ब्याटिङका लागि बोलाए।

पाकिस्तानको सुरुआत खराब रह्यो। शफिक २, कप्तान शान मसूद ६ र बाबर आजम शून्यमा पेभेलियन फर्किए। १६ रन खर्चेर ३ विकेट लिएपछि साम अयुब र साउद शकीलले स्कोरलाई अगाडि बढाएका थिए।

अयुबले ९८ बलमा ५६ रन बनाए। त्यसपछि साउद शकील र मोहम्मद रिजवानले बंगलादेशबाट खेललाई धेरै टाढा लगेका थिए। दुवैले २ ०० रनभन्दा बढीको साझेदारी गरे। साउदले २६१ बलमा १४१ रन बनाए भने रिजवानले अविजित १७१ रन बनाए। शाहीन अफ्रिदीले अविजित २९ रन जोड्दै ४४८ रनको योगफल तयार पारे। बंगलादेशका लागि साकिब अल हसनले प्रभाव देखाउन सकेनन्। उनले २७ ओभरमा १ ०० रन खर्चेर १ विकेट लिए।