गोर्खाजलाई नेपाली कप ७ ‘ए’ साइड प्रतियोगिताको उपाधि

ओन्टारियो, क्यानडा। गोर्खाज एफसीले प्रथम नेपाली कप ७ ‘ए’ साइड फुटबल प्रतियोगिता जितेको छ।

सडबरीको नेपाली समुदायद्वारा आयोजित प्रतियोगिताको फाइनलमा डाँफे एफसीलाई ४–३ ले पराजित गर्दै गोर्खाजले उपाधि जितेको हो। गोर्खाजको जितमा अशोक पुरीले ह्याट्रिक गोल गरे। यस्तै, आदर्श पुरीले एक गोल थपे। 

डाँफेका समिद लामाले दुई तथा टंक बोगटीले एक गोल गरे।  प्रतियोगिताको सर्वोत्कृष्ट स्ट्राइकर डाँफेका समिद लामा र  सर्वोत्कृष्ट गोलरक्षक मिकमर लामा घोषित भए ।

नेपाली समुदायबीचको सम्बन्धलाई अझ बलियो बनाउन थुप्रै प्रतियोगिताहरू क्रमशः आयोजना गरिदै जाने आयोजक समितिका नवराज तामाङले बताए।