पेपले अहिले नै राखेका छैनन् प्रिमियर लिग जित्ने लक्ष्य

काठमाडौं। म्यानचेस्टर सिटीका प्रशिक्षक पेप ग्वार्डिओलाले अहिले नै इङ्लिस प्रिमियर लिग जित्ने लक्ष्य आफूसँग नभएको बताएका छन्। 

लगातार चारपल्ट प्रिमियर लिग जितेका ग्वार्डिओला पाँचौंपल्ट उपाधि जित्ने लक्ष्यमा हुनेछन्। तर, बार्सिलोना र बायर्न म्युनिखका पूर्वप्रशिक्षक भने धेरै अगाडि देखिएका छैनन्। उनको तत्काल ध्यान लिगका सुरुआती खेलमा मात्रै रहेको छ। ‘जब हामी अन्तिम महिनामा आइपुग्छौं तब त्यो लक्ष्य हुन्छ,’ उनले भने।

कम्युनिटी सिल्डमा म्यानचेस्टर युनाइटेडमाथि पेनाल्टी सुटआउटमा जित हात पारेसँगै सिटीले यस सिजन पहिलो पटक उपाधि जितिसकेका छन्।