पारोविरुद्ध उत्रिने चर्च ब्वाइजले प्लेइङ ११ सार्वजनिक

काठमाडौं। चर्च ब्वाइज युनाइटेडले एएफसी च्यालेन्ज लिगको प्रारम्भिक चरणमा भुटानको पारो एफसीसँग प्रतिस्पर्धा गर्दैछ।

खेल त्रिपुरेश्वरस्थित दशरथ रंगशालामा बेलुका ६ बजे सुरु हुनेछ। चर्च ब्वाइजले ४-३-३ को रणनीतिमा खेलाडी मैदान उतार्ने छ।

चर्च ब्वाइजले प्लेइङ ११ मा पहिलो रोजाइका गोलरक्षक दीप कार्कीलाई मैदान उतार्नेछ। शनिस श्रेष्ठ, कप्तान अनन्त तामाङ, ओमोलाजा करिब र पिटर बन्दाले डिफेन्स सम्हाल्ने छन्। छिरिङ लामा, लाकेन लिम्बू र एरिक विष्टले मिडफिल्ड सम्हाल्नेछन्।

आयुष घलान, मेसेस टुम र अञ्जन विष्टले आक्रमक भूमिका सम्हाल्नेछन्।