लिभरपुलबाट ब्रेन्टफोर्ड सरे कार्भाल्हो

काठमाडौं। फाबियो कार्भाल्हो पाँच वर्षका लागि लिभरपुलबाट ब्रेन्टफोर्डमा अनुबन्धित भएका छन्। कार्भाल्होको सम्झौतामा थप एक वर्षको विस्तार विकल्प पनि दिइएको छ।

लिभरपुलले दुई वर्षअघि लन्डनको अर्को क्लब फुलह्यामबाट उनलाई ५० लाख पाउन्डमा किनेको थियो। ब्रेन्टफोर्डले उनलाई आबद्ध गरेसँगै प्रिमियर लिगका प्रतिद्वन्द्वी लिभरपुललाई १७.५ प्रतिशत बिक्री शुल्क दिनेछ।

‘फाबियो धेरै गुण भएका खेलाडी हुन्,’ ब्रेन्टफोर्डका प्रशिक्षक थोमस फ्रान्कले क्लबको वेबसाइटमा भनेका छन्, ‘उनी ४–३–३ वा ४–२–३–१ मा फ्रन्ट थ्री वा फोर पोजिसनमा खेल्न सक्छन्।’ 

कार्भाल्होले गत सिजन जर्मन क्लब आरबी लाइपजिग र त्यसपछि इङ्लिस दोस्रो श्रेणीको क्लब हलमा लोनमा बिताएका थिए। जहाँ उनले २० खेलमा नौ गोल गरे। गत सिजन रेलिगेसन जोनभन्दा १३ अंकले माथि रहेको ब्रेन्टफोर्डले आइतबार लन्डनको प्रतिद्वन्द्वी क्रिस्टल प्यालेससँग घरेलु मैदानमा खेल्दै प्रिमियर लिगको सुरुआत गर्नेछ।