चेल्सीमा एन्सेलमिनो

काठमाडौं। चेल्सीले अर्जेन्टिनी क्लब बोका जुनियर्सका डिफेन्डर आरोन एन्सेलमिनोलाई अनुबन्ध गरेको छ।

१९ वर्षीय एन्सेलमिनोलाई इङ्लिस प्रिमियर लिग क्लब चेल्सीले सात वर्षका लागि अनुबन्ध गरेको हो।

यद्यपि, उनले २०२४–२५ सिजन लोनमा र्जेन्टिनी क्लबबाट नै खेल्ने छन्। उनले गत वर्ष जुनमा व्यावसायिक डेब्यु गरेका थिए। बोकाबाट उनले १० खेल खेलेका छन्। चेल्सीमा यो सिजन भित्रिने उनी आठौं खेलाडी हुन्।