मन्ट्रियल टाइगर्ससँग टोरन्टो पराजित
काठमाडौं। टोरन्टो नेसनल्स ग्लोबल ट्वान्टी-२० मा मन्ट्रियल टाइगर्ससँग पराजित भएको छ। सोमबार राति भएकव खेलमा टाइगर्स सात विकेटले पराजित भएको हो।
जितसँगै टाइगर्स ६ खेलमा नौ अंक जोड्दै शीर्ष स्थानमा उक्लिएको छ । पराजित टोरन्टो समान खेलबाट सात अंकका साथ चौथो स्थानमा छ ।
टोरन्टोले दिएको ५२ रनको लक्ष्य टाइगर्सले ११.३ ओभरमा तीन विकेट गुमाउँदै पूरा गर्यो। टाइगर्सका कप्तान टिम सिफर्टले अविजित १५ र दिलप्रित बाज्वाले १२ रन बनाए।
टोरन्टोका जेसन बेहरेनडोर्फ, जितेन्द्रपाल मथरु र जुनैद सिद्धिकीले एक/एक विकेट लिए। त्यसअघि टस हारेर ब्याटिङ थालेको टोरन्टोले ११.२ ओभरमा सबै विकेट गुमाउँदै ५२ रन बनाएको थियो।
टोरन्टोका जितेन्द्रपाल मथरुले १२ रन बनाउनुबाहेक अन्य ब्याटरले दोहोरो अंकमा रन जोड्न सकेनन्। नेपाली राष्ट्रिय टोलीका कप्तान रोहितकुमार पौडेलले भने प्लेइङ ११ मा स्थान बनाउन सकेनन्।
टाइगर्सका कलिम सानाले चार विकेट लिए। अज्मतुल्लाह ओमरजाइले तीन र कोर्बिन बोशले दुई विकेट लिए।
