भारत र श्रीलंकाको खेलमा नाटकीय टाई

काठमाडौं। कोलम्बोको आर प्रेमदासा स्टेडियममा भएको पहिलो एकदिवसीय खेलमा भारतले श्रीलंकासँग बराबरी खेलेको छ।

श्रीलंकाले पहिलो खेलमा आठ विकेट गुमाएर दुई सय ३० रन बनाएको थियो। पाथुम निसानकाले ५६ र दुनिथ विलालागेले ६७ रन बनाए। जवाफमा भारतले राम्रो सुरुआत गरेको थियो। तर, वासिङ्टन सुन्दर, विराट कोहली र श्रेयस अय्यर चाँडै आउट भएपछि स्थिति अस्तव्यस्त भयो। 

अन्त्यमा केएल राहुल, अक्षर पटेल र शिवम दुबेले छोटो इनिङ्स खेले। ४८औं ओभरमा भारतले लगातार दुई बलमा दुई विकेट गुमाउँदा खेल टाई हुँदै टुंगियो। बलिङतर्फ श्रीलंकाका वानिन्दु हसरंगाले ३ विकेट लिए भने असालन्का र दुनिथ विलालागेले २–२ विकेट लिए।