भारत र पाकिस्तान सेमिफाइनलमा
मंगलबार, ०८ श्रावण २०८१खेलपाटी संवाददाता
काठमाडौं। एसिसी महिला एसिया कपमा भारत र पाकिस्तान सेमिफाइनलमा पुगेका छन्।
मंगलबार सम्पन्न समूह ए को अन्तिम खेलमा भारतले नेपाललाई ८२ रनले पराजजित गरेसँगै पाकिस्तानले पनि अन्तिम चारको यात्रा तय गरेको हो।
यस समूहमा भारत अपराजित रह्यो। पाकिस्तानलाई सात विकेट र युएईलाई ७८ रनले पराजित गर्दै भारत शीर्ष स्थानमा रह्यो।
पाकिस्तानले नेपाललाई ९ र युएईलाई १० विकेटले पराजित गर्यो। तेस्रो स्थानमा रहेको नेपालले युएईलाई ६ विकेटले पराजित गरेको थियो।
यस समूहमा युएई अंकविहीन रह्यो।
