कोपा अमेरिकाको उत्कृष्ट खेलाडी रोड्रिग्वेज

काठमाडौं। कोलम्बियाली कप्तान जेम्स रोड्रिग्वेज कोपा अमेरिकाको उत्कृष्ट खेलाडी घोषित भएका छन्। उनले आफ्नो कप्तानीमा कोलम्बियालाई अपराजित राख्दै २३ वर्षपछि फाइनल पुर्‍याएका थिए।

यसक्रममा उनले ६ खेलमा ६ असिस्ट र एक गोल गरेका थिए। त्यस्तै, चार खेलमा उनी ‘म्यान अफ द म्याच’ घोषित भएका थिए। योसँगै कोलम्बियाको अपराजित यात्रा २९ खेलमा आएर टुंगिएको छ।