देशलाई गौरवान्वित बनाउन सक्दो प्रयास गर्छु : सुनिल

काठमाडौं। भारतका पूर्वकप्तान सुनिल क्षेत्रीले आफ्नो अन्तर्राष्ट्रिय करियरबाट सन्न्यास लिए पनि देशलाई गौरवान्वित बनाउन आफूले सक्दो प्रयास गर्ने बताएका छन्। 

'मैले आफ्नो करियरमा धेरै उतारचढाव देखेको छु, तर एउटा कुरा के छ भने एक दिन हामी सबैले सोचेको स्तरमा पुग्नेछौं,' गत महिना अन्तर्राष्ट्रिय फुटबलबाट सन्यास लिएका क्षेत्रीले भने। 

छेत्रीले इन्डियन सुपर लिग (आईएसएल) खेल्ने छन्। बेंगलोर एफसीसँग उनको सम्झौता अर्को वर्षसम्म रहनेछ। यद्यपि, उनले कहिलेसम्म घरेलु फुटबल खेल्ने भन्ने निर्णय गरेका छैनन्। छेत्री अर्को महिना ४० वर्षमा पुग्दैछन्।

सन् २०२२ मा बंगलुरु एफसीलाई डुरान्ड कपको उपाधि दिलाएका क्षेत्रीले भने, 'म अहिले धेरै गर्न सक्दिनँ किनभने मैले सन्न्यास लिइसकेको छु तर भारतलाई त्यो अवस्थामा पुर्‍याउन म सक्दो प्रयास गर्नेछु। यसका लागि हामीले धेरै काम गर्नुपर्ने छ, तर हामी जहाँ पुग्न चाहन्छौं, त्यहाँ अवश्य पुग्नेछौं। '

छेत्रीको १९ वर्ष लामो करियरमा भारत एसियाको शीर्ष २० मा पुर्‍याएका थिए। भारत अहिले एसियामा २२ औं स्थानमा छ भने विश्वमा १२४ औं स्थानमा छ। जुलाई २०२३ मा भारतीय टोली फिफा वरियतामा शीर्ष १०० मा पुगेको थियो।