फाइनल प्रवेश गर्न स्पेन र फ्रान्स भिड्ने

काठमाडौं। युरो कपको फाइनल प्रवेश गर्न स्पेन र फ्रान्स भिड्ने भएका छन्। 

शनिबार सम्पन्न खेलमा स्पेनले जर्मनी र फ्रान्सले पोर्चुगललाई पराजित गर्दै अन्तिम चारमा स्थान बनाएका हुन्। 

स्पेनले जर्मनीलाई २-१ गोलअन्तरले पराजित गरेको थियो। फ्रान्सले पोर्चुगललाई पेनाल्टी सुटआउटमा ५-३ गोलअन्तरले पाखा लगाएको थियो। 

यी दुईबीचको खेल म्युनिख फुटबल एरेनामा बुधबार राति १२:४५ बजे हुने छ।