साबिक विजेतालाई इक्वेडरको चुनौती

काठमाडौं। साबिक विजेता अर्जेन्टिनाले कोपा अमेरिकाको सेमिफाइनल प्रवेश गर्न इक्वेडरको सामना गर्दैछ। खेल एनआरीजी रंगशालामा नेपाली समय अनुसार बिहान ६:४५ बजे सुरु हुनेछ।

सोमबार बिहान सम्पन्न खेलमा मेक्सिकोसँग गोलरहित बराबरीमा रोकिँदै समूह बी को उपविजेताको रुपमा इक्वेडर अन्तिम आठमा पुगेको थियो।

इक्वेडर पहिलो खेलमा भेनेजुएलासँग २–१ गोलअन्तरले पराजित भएको थियो। यस्तै, जमौकालाई भने ३–१ गोलअन्तरले पराजित गरेको थियो।

अर्जेन्टिना समूह ए को विजेता हो। अर्जेन्टिनाले क्यान्डालाई २–०, चिलीलाई १–० र पेरुलाई २–० गोलअन्तरले पराजित गरेको थियो। इक्वेडरसँगको खेलअघि फरवार्ड लिओनल मेसीको फिटनेसमा शंका उब्जिएको छ। ह्यामस्ट्रिङको समस्याका कारण मेसीले शनिबार पेरुविरुद्धको खेल गुमाएका थिए।