अस्ट्रियामाथि रोमाञ्चक जित हासिल गर्दै टर्की क्वार्टरफाइनलमा

काठमाडौं । अस्ट्रियामाथि रोमाञ्चक जित हासिल गर्दै टर्की युरो कपको क्वार्टरफाइनलमा प्रवेश गरेको छ।

जर्मनीको लाइप्जिगमा बुधबार बिहान सम्पन्न खेलमा अस्ट्रियामाथि २–१ गोलको जित हासिल गर्दै टर्की अन्तिम आठमा पुगेको हो। 

टर्कीको जितमा डिफेन्डर मरिह डेमीरालले दुवै गोल गरे। यता, अष्ट्रियाका लागि माइकल ग्रेगोरिस्चले गरेको गोल सान्त्वना बन्यो।

खेलको पहिलो मिनेटमै डेमिरलले गोल गरेका थिए। 

दोस्रो हाफको ५९औँ मिनेटमा डेमिरलले अर्को गोल गर्दै अग्रता दोब्बर बनाए। तर, ६६औं मिनेटमा माइकलले अष्ट्रियाका लागि गोल गरेपछि खेल २–१ को अबस्थामा ल्याए। ।त्यसपछि बाँकी समय थप गोल नहुँदा टर्की विजयी भयो।