जर्जियामाथि पुनरागमन जित निकाल्दै स्पेन क्वार्टरफाइनलमा

काठमाडौं। स्पेन युरोकपको क्वार्टरफाइनलमा प्रवेश गरेको ।

जर्मनीको कोल्नमा सोमबार बिहान सम्पन्न खेलमा जर्जियामाथि ४–१ गोलको पुनरागमन जित हासिल गर्दै स्पेनले अन्तिम आठमा स्थान सुरक्षित गरेको हो। 

जितसँगै स्पेनले अब स्पेनले अन्तिम आठमा आयोजक जर्मनीको सामना गर्नेछ। जर्मनीले डेनमार्कलाई पराजित गर्दै अन्तिम आठमा प्रवेश गरेको हो।

स्पेनको जितमा रोड्री, फाबियन रुइज, निको विलियम्स र ड्यानी ओल्मोले गोल गरे। १८औं मिनेटमा नोर्मान्डले आफ्नै पोस्टमा गोल गरेपछि स्पेन खेलमा पछि परेको थियोे।

तर, ३९औं रोड्रीले गोल गर्दै खेल १–१ मा ल्याए। पहिलो हाफमा बराबरी गरेको स्पेनले दोस्रो हाफमा थप तीन गोल गर्न सफल भयो। 

५१औं मिनेटमा रुइजले स्पेनलाई २–१ गोलको अग्रता दिलाए। ७५औं मिनेटमा विलियम्सको गोलमा स्पेनले ३–१ काे अग्रता बनायाे।

८३औं मिनेटमा मैदान प्रवेश गरेका ओल्मोले गोल गर्दै स्पेनलाई ४–१ को जित दिलाए।