एरिक्सनले जर्मनीविरुद्ध खेल्ने

काठमाडौं। डेनमार्कका मिडफिल्डर क्रिस्टियन एरिक्सनले युरोकप अन्तिम १६ मा जर्मनीविरुद्ध खेल्ने भएका छन्। एरिक्सन र मिडफिल्डर थोमस डेलानी एकैपटक पेटमा समस्या देखिएपछि बिरामी परेका थिए।

‘हामीले उनीहरूलाई प्रशिक्षण नदिने निर्णय गरेका थियौं,’ प्रशिक्षक कास्पर हजुल्मान्डले भने, ‘आशा छ उनीहरू तयार हुनेछन्।’ म्यानचेस्टर युनाइटेडका मिडफिल्डरले डर्टमन्डको स्टेडियम वरिपरि साँझ पैदल यात्रा गरेका थिए।

‘उनी हामीसँगै छन्। हामीसँग हाम्रो टोलीको डाक्टर छ, तर मैले सुनेको छु (एरिक्सन) आज राति हामीसँग हुनेछन्,’ उनले भने। हजुल्मान्डले एरिक्सन र डेलानी एकै पटक बिरामी परेकोमा आफू चिन्तित नभएको बताए।

दुई पहेँलो कार्ड खाएपछि निलम्बनमा परेका सेन्ट्रल मिडफिल्डर मोर्टन हजुल्मान्डको विकल्पका रुपमा डेलानेलाई हेरिएको छ।