फ्रान्स र बेल्जियम अन्तिम १६ मा भिड्ने

काठमाडौं। युरोकपको क्वार्टरफाइनल प्रवेश गर्न फ्रान्स र बेल्जियम भिड्ने भएका छन्।

स्टटगार्ट एरेना बुधबार राति सम्पन्न खेलमा युक्रेनसँग गोलरहित बराबरीमा खेल्दै बेल्जियम नकआउट चरणमा प्रवेश गरेको थियो। 

बेल्जियम समूह ई को उपविजेता रह्यो। यो समूहमा रोमानियाले तीन खेलबाट चार अंक जोड्दै विजेता बन्यो। स्लोभाकिया र युक्रेनको पनि समान चार अंक भएपनि रोमानिया र बेल्जियम गोलअन्तरमा शीर्ष दुईमा रहे। यता, फ्रान्स समूह डी को उपविजेता बनेर अन्तिम १६ मा पुगेको थियो। 

फ्रान्सले तीन खेलबाट ५ अंक जोडेको थियो। यी दुईबीचको खेल जुलाई १ मा हुनेछ।