इङ्ल्यान्ड र भारतको खेलमा वर्षा भए के हुन्छ?

काठमाडौं। आइसिसी ट्वान्टी-२० विश्वकपअन्तर्गत बिहीबार सेमिफाइनलका खेल हुँदैछन्। पहिलो सेमिफाइनलमा अफगानिस्तान र दक्षिण अफ्रिका भिड्ने छन्। अर्को सेमिफाइनलमा साबिक विजेता इङ्ल्यान्ड र भारत भिड्ने छन्।

ङ्ल्यान्ड र भारत अन्तिम पटक २०२२ को सेमिफाइनलमा भिडेका थिए। उक्त खेलमा इङ्ल्यान्ड १० विकेटले विजयी भएको थियो। यसपटक भारतले सेमिफाइनलमा त्यो बदला लिन सम्भावना कम रहेको छ। 

यी दुई टोलीबीचको खेल वर्षाले प्रभावित पार्ने बताइएको छ। दोस्रो सेमिफाइनलमा ‘रिजर्भ डे’ को व्यवस्था गरिएको छैन। बिहीबार गुयना सहरमा वर्षाको सम्भावना ७० प्रतिशत रहेको छ। वर्षाका कारण खेल अनिर्णित रहे ‘सुपर एट’को समूह दुईमा शीर्ष स्थानमा रहेको आधारमा भारतले फाइनलको टिकट काट्ने छ। त्यसैगरी दक्षिण अफ्रिका र अफगानिस्तानको सेमिफाइनलमा ६० प्रतिशत वर्षाको सम्भावना रहेको छ। 

यो खेलमा भोलिपल्ट ‘रिजर्भ डे’ राखिएको छ। ‘रिजर्भ डे’मा पनि नतिजा आउन नसके समूह दुईको शीर्ष स्थानमा रहेको दक्षिण अफ्रिकाले फाइनलमा स्वतः स्थान बनाउने छ। यदि दुवै सेमिफाइनल निर्णायक रह्यो भने भारत र दक्षिण अफ्रिकाबीचको फाइनल शनिबार बार्बाडोसमा हुनेछ।