भिएआरले खोस्यो ब्राजिलको जित

काठमाडौं। भिडियो असिस्टेन्ट रेफ्री (भिएआर)ले गोलको मान्यता नदिँदा ब्राजिलले कोपा अमेरिकाको पहिलो खेलमै अंक बाँडेको छ।

सोफी स्टेडियममा मंगलबार बिहान सम्पन्न खेलमा ब्राजिलले कोस्टारिकासँग गोलरहित बराबरी खेलेको हो।

खेलको ३०औं मिनेटमा ब्राजिलका डिफेन्डर मार्क्विनहोसले गोल गरेका थिए। तर, उक्त गोललाई भिएआरले मान्यता दिएन। 

राफिन्हाको फ्रिकिक क्रसमा रोड्रिगोले मिलाइदिएको पासमा मार्क्विनहोसले गोल गरेका थिए। यद्यपि, भिएआर पेरिस सेन्ट जर्मेनका डिफेन्डरलाई अफसाइड देखाइदियो। त्यसपछि खेलमा कुने गोल हुन सकेन र दुवै टोलीले अंक बाँडे।