पनामामाथि उरुग्वेको जित

काठमाडौं। उरुग्वेले कोपा अमेरिकामा पनामालाई पराजित गरेको छ।

हार्ड रक स्टेडियममा सोमबार बिहान सम्पन्न समूह एको खेलमा उरुग्वे ३-१ गोलअन्तरले विजयी भएको हो। उरुग्वेका म्याक्सिमिलियानो अराउजोले खेलको १६औं मिनेटमै गोल गर्दै सुरुआती अग्रता दिलाएका थिए।

८५औं मिनेटमा डार्विन नुनेजले गोल गर्दै अग्रता दोब्बर बनाए। दोस्रो हाफको इन्ज्युरी समयको पहिलो मिनेटमा मटियास भिनाले गोल गर्दै उरुग्वेलाई ३-० को अग्रता दिलाएका थिए।

तर, त्यसको तीन मिनेटपछि नै माइकल मुरिलोले गोल गरे। यद्यपि, पनामा ३-१ ले पराजित भयो।