दीपेन्द्रले गल्फ जायन्टबाट आईएल ट्वान्टी-२० लिग खेल्ने

काठमाडौं। अलराउन्डर दीपेन्द्रसिंह ऐरीले गल्फ जायन्टबाट आईएल ट्वान्टी-२० लिग खेल्ने भएका छन्।

यूएईको इन्टरनेसनल लिग ट्वान्टी-२० मा उनलाई गल्फ जायन्टले पुन: आवद्द गरेको हो। ऐरी यसअघिको सिजनमा पनि गल्फ जायन्टमा अनुबन्ध भएका थिए। तर, उनले कुनै खेल खेल्न पाएनन्।

६ टिम सम्मिलित यस लिगको तेस्रो सिजन २०२५ जनवरी ११ देखि ९ फेब्रुअरीसम्म अबुधाबी, दुबई र शारजाहमा आयोजना हुने तय छ।