इङ्ल्यान्डले एक खेलअगावै अन्तिम १६ मा पुग्ने मौका गुमायो

काठमाडौं। ग्यारेथ साउथगेटको इङ्ल्यान्डले एक खेलअगावै युरोकपको अन्तिम १६ मा स्थान बनाउने मौका गुमाएको छ।

बिहीबार राति सम्पन्न खेलमा  डेनमार्कसँग इङ्ल्यान्ड १-१ को बराबरीमा रोकिएको हो। बराबरीसँगै इङ्ल्यान्डले दुई खेलबाट चार अंक जोडेको छ। डेनमार्कको भने यो दोस्रो बराबरी हो।

डेनमार्कले यसअघि स्लोभेनियासँग यही नतिजा आत्मसात् गरेको थियो। इङ्ल्यान्डले भने पहिलो खेलमा सर्बियालाई १-० गोलअन्तरले पराजित गरेको थियो।

खेलको १८औं मिनेटमा ह्यारी केनको गोलमार्फत् इङ्ल्यान्डले सुरुआती अग्रता बनाएको थियो। तर, ३४औं मिनेटमामोर्टेन हजुल्मान्डले गोल गरेसँगै इङ्ल्यान्ड बराबरीम चित्त बुझाउन बाध्य भयो। मोर्टेनले भिक्टर क्रिस्टियनसनको पासलाई सदूपयोग गरेका थिए।